quinta-feira, 31 de outubro de 2013

Comeza a tempada 2013-2014


Comeza xa a 7ª tempada da LNB na Conferencia Noroeste. Serán 12 xornadas que se disputarán en domingo, ás 11:00 da mañá, ao longo dos vindeiros sete meses, comezando en Cerceda sobre o formigón pulido do pavillón do Piñeiro, onde terán lugar as primeiras xornadas, e rematando na Coruña na herba artificial do emblemático campo da Torre. Durante a tempada tentaremos ir organizando xornadas en novos lugares onde ir espallando a afección pola billarda.

O calendario da competición será o seguinte:
1ª xornada 10/11/2013 - Cerceda. Pavillón do Piñeiro
2ª xornada 24/11/2013 - Cerceda. Pavillón do Piñeiro
3ª xornada 15/12/2013 - Cerceda. Pavillón do Piñeiro
4ª xornada 29/12/2013 - Trasládase ao 05/01/2014
5ª xornada 05/01/2014 - Cerceda. Pavillón do Piñeiro. Disputarase a 4ª e 5ª xornada
6ª xornada 26/01/2014 - Rodís (Cerceda). Pavillón Polideportivo da Silva
7ª xornada 09/02/2014 - Trasládase ao 23/02/2014. Culleredo. Campos de Aceda da Ma.
8ª xornada 23/03/2014 - Culleredo. Pista polideportiva de Castro-Laxe.
9ª xornada 06/04/2014 - A Coruña. Praza da Sardiñeira.
10ª xornada 06/04/2014 - A Coruña. Praza da Sardiñeira.
11ªxornada 20/04/2014 - Trasládase ao 11/05/2014.
12ª xornada 11/05/2014 - Disputarase a 11ª e 12ª xornada.

O sistema de competición será o mesmo que o do ano pasado aínda que nos vindeiros días daremos conta do mesmo así como do regulamento.

Tentaremos que non haxa cambios de datas nin de lugar de última hora. De producirse avisariamos a través de facebook.com/billarda.lnbnoroeste.

Queremos animarvos a todos e todas a que participedes aínda que non formedes parte de ningún equipo ou non teñades palán e billarda pois todas as xornadas son abertas a quen queira pasalo ben.

Agradecementos a todos os palanadores e a todas as palanadoras que manteñen viva a nosa Conferencia.
Billarda sempre! Avante o NorOeste!